Belastingdienst Caribisch Nederland ta tene kaha habri
7 januari 2016
kaha habri
E Belastingdienst Caribisch Nederland (BCN) ta asepta un rekomendashon di Ombudsman Nashonal i ta tene un funshon di kaha habri. Asosiashon di konsumido Unkobon a entrega un kehu serka Ombudsman Nashonal pasobra BCN na Boneiru a sera e funshon di kaha kompletamente. Hende por a paga solamente
via transferensha elektroniko of paga kesh na banku. Ombudsman ta hanja e seramentu di tur kaha, sin posibilidat alternativo, no manera mester ta.
Reakshonando riba e investigashon di Ombudsman Belastingdienst a buska huntu ku Girobank un solushon gratis. Desde 1 di januari e habitantenan por paga kesh, sin kosto, na Girobank. Esaki ta konta pa tur pagu na kuenta di Belastingdienst (pues tambe pa pagu na OLB, Voogdijraad i OM).
Trasfondo
Na Boneiru un grupo grandi di habitante tin un entrada abou. Hende pavia di esaki no semper tin akseso fasil na internet. Tambe no ta tur hende tin un kuenta di banku. E hendenan aki mester deposita plaka kesh na banku, despues di kual e banku ta pasa e plaka pa BCN. Tin gastu envolve ku
esaki. E Ombudsman ta konklui ku BCN no a pone e interesnan di e grupo aki sufisientemente den balansa den su desishon pa elimina e funshon di kaha kompletamente. Ombudsman a tuma nota i ta di akuerdo ku mientras tanto ta ofrese un alternativa.
Onderwerpen: