PLAN DI VAKASHON PA YUNAN DI EMPLEADO DI ENTIDAT PUBLIKO BONEIRU
Kralendijk -- E organisashon sosial- rekreativo di gobiernu di Boneiru, Dreams den e prome dos simannan di ougustus a organisa un plan di fakansi pa yunan di empleadonan publiko.
DREAMS ta un organisashon ku a ser lanta sinku ana pasa dor di empleadonan di Entidat Publiko Boneiru, ku e meta pa organisa aktividatnan sosial, rekreativo i deportivo pa amtenarnan di gobiernu. Dreams ta para pa Deporte Rekreashon pa Empleado publiko Alimenta nan Mente i Salu.
Durante di ana e organisashon ta tene diferente aktividat pa empleadonan publiko
Resientemente a tene un dia di deporte na Sentro Deportivo Jorge Nicolaas pa tur empleado i esaki tabata un eksito
Awe e organisashon ya pa dos ana konsekutivo a ranka sali ku plan di fakansi pa yunan di empleadonan publiko.
Durante di e dos simannan benidero un total di kuarentishete mucha lo partisipa na diferente aktividatnan ku tin plania.
Entre otro nan lo hana informashon di lechi di kabritu paseo riba Glass Bottom Boat, bishita na Cargill, i hopi otro sitio mas kaminda tur dia nan lo hana informashonnan balioso di nos dushi isla.
E muchanan a wordu parti den grupo di kuater pa seis ana i shete pa dieskuater ana.
Sr. Benito Dirksz den kalidat di Gezaghebber Interino i alabes diputado enkarga ku Komunidat i Kuido djaluna mainta a dirigi algun palabra na e hobennan i e lidernan ku ta desea nan dos siman fruktifero ku e hobennan, i gradisi e bon trabou ku e lider nan ta hasi i e organisadonan. Mas aleu e
mandatario ta desea pa e dos simannan aki ta simannan di alegria goso i edukativo. Finalmente e mandatario a deklara e plan di fakansi habri.