DIPUTADO DIRKSZ A FELISITA MERCELINA KU SU SHENTIDOS ANA
Kralendijk -- Sra. Mercelina Augustina Winklaar miho konosi komo Mai Tintina di trai montana a nase Bintishete di yueli diesnuebe diestres i a kaba kumpli e edat respeta di shentidos ana.
Pa e okashon aki sr. Benito Dirksz na nomber di Gobiernu di Boneiru a felisita sra. Mercelina Augustina Winklaar ku e bunita edat.
Diputado Dirksz a duna di konose ku Gobiernu di Boneiru ta keda rekonose su hendenan i ta duna su muestra di apresio ku esaki, i den kompania di yunan i famia a entrega Mai Tintina un karino.
Mai Tintina su formula a splika ku e por a yega na un edat respeta asina dor ku el a nase i lanta na kunuku tras di montana kaminda e tempu aya tabata kome salu manera pampuna, konkomber, guiambo, maishi chiki i mas importante el a hiba un bida trankil i sin kunsumi.
Finalmente Tintina a gradisi tur ku tabata presente i ku nan por a pasa un ratu ameno huntu ku su persona.