APERTURA DI ROTONDE ENFRENTE DI MISA SAN BERNARDO
Kralendijk - Djaluna mainta diputado enkarga ku infrastruktura, sr. Norbert Silberie algu prome ku a habri e rotonde, a duna splikashon di trabounan ku ta andando den area di e rotonde i kon e situashon di trafiko lo ta e dianan benidero.
Sr. Silberie a trese dilanti ku e trafiko ku ta bini di Nikiboko Suit ta drenta e rotonde i kue direkshon pa Kaya L.D Gerharts of por lora na man robes subi Kaya Libertador Simon Bolivar bai abou.
Esnan ku ta koriendo riba Kaya L.D Gerharts kue un kuart rotonde i bai direkshon Nikiboko Suit,
Trafiko ku ta riba Kaya Libertador Simon Bolivar ku ta bai subi rotonde mester tene kuenta ku e kaminda no ta manera antes ku tabata sigui stret, awor tin un medio bogt i ku ta bira un krusada T i pa tene kuenta ku esaki.
Mas aleu diputado a duna di konose ku kaya sabana por drenta esaki i bai direkshon di Kaya Thomas Marchena. Pero esaki lo ser kambia den futuro momentu ku e rotonde keda kla, mirando ku esaki lo bai na opstakulisa e trafiko ora e tin lora drenta kaya sabana, i na e momentu nan aki ta studiando
pa kambia e direkshon di kaya sabana pa e bin abou bin subi kaya nikiboko suit i subi rotonde.
Kaya Caracas tambe lo ta sera pa trafiko te momentu ku drecha esaki.
Por ultimo diputado sr. Silberie a duna di konose ku e parti nort di misa ku ta bai pega na Caribean Fastener esaki tin algun punto ku ta deliberando ariba ku otro instansianan pa asina mira kon e trafiko ei lo bai bira.