DIPUTADO JAMES KROON A DESVELA BORCHI DI E PROYEKTO "MARQUISE ECO RE..
Kralendijk--Djaluna atardi diputado James Kroon enkarga ku infrastruktura a desvela borchi di e proyekto "Marquise Eco Resort Bonaire" di hoben empresario boneriano Robert Winklaar.
E proyekto aki ta bin na Boka Chiki na Palya Grandi. T'asina ku despues di algun dia den preparashon i reglamentu di e rekisitonan nesesario pa kuminsa ku e proyekto "Marquise Eco Resort Bonaire" na e kosta nort na Playa Grandi esta na Boka Chiki pabou di e ultimo instalashon di e molinanan
di bientu na Morotin.
Segun Robert Winklaar e proyekto aki e tabatin basta ana ta kana kune i despues ku e la entama e proyekto aki na gobiernu di Boneiru, diputado James Kroon enkarga ku infrastruktura a kere den e proyekto kaminda gobiernu di Boneiru pa medio di diputado James Kroon a duna tur e koperashonnan
nesesario pa asina nos propio yunan di tera tambe por inverti den Boneiru ku proyektonan turistiko di un magnitut basta grandi.
E plan ta grandi segun Winklaar, ta bai konstrui un bar restorant i algun bungalo di palu ku ta kuadra den e parti di ekologia boneriano.
Ya a kuminsa limpia e playa saka algun piedra pa yega n'e santu ku tin na e sitio aki. Tambe ta bai konstrui algun "Palapa" kaminda e bishitante nan ku ta bishita e bich por hasi uso di nan. Ta bai tin diferente atrakshon pa hendenan lokal i turista ku dentro di poko lo anunsia esakinan den
medionan di publisidat. E proyekto aki ta faktibel na e parti nort di Playa Grandi segun ekspertonan i por desaroya e proyekto aki sin kousa dano n'e parti ekologiko i lo bai keda mantene e bich pa e keda aksesibel i limpi pa publiko.
E proyekto aki lo bai bira algun uniko pa turismo di Boneiru i asina yuda aporta na nos pila turistiko. E konstrukshon di e proyekto aki lo bai inisia dentro di poko. Segun e empresario Rober Winklaar a duna di konose durante desvela di e borchi di Marquise Eco Resort Bonaire.
Diputado James Kroon a felisita e empresario boneriano pa e konfiansa ku e a la pone den ekonomia di Boneiru ta dese'e tur klase i eksito i ku dentro di poko pueblo di Boneiru i turistanan por disfruta di un dushi ambiente na bich na Playa Grandi / boka Chiki.