EUGENE VINANCIO MAKAAI 10 ANA NA HAVENKANTOR
Kralendijk--Dia prome di yanueari 2015 sr. Eugene Vinancio Makaai a selebra e echo ku 10 ana den servisio di gobiernu di Boneiru. Senor Eugene Makaai a drenta servisio di gobiernu na ana 2005 komo "Walbootsman", ta nabega boto di lots.
Tabata direktor di Direktorado di Mantenshon i Supervishon di Lei sra. drs. Joan Brewster ku a hiba palabra pa asina felisita sr. Makaai ku su 10 ana di servisio.
Segun sra. Brewster a bisa den su diskurso ku sr. Makaai tin potensial i ku e ta sigui desplega su labor i logra mas den su karera.
Na e okashon aki diputado James Kroon tabata presente i a felisita i gradisi sr. Makaai na nomber di gobiernu di Boneiru pa e trabou presta durante 10 ana na Haven Kantoor.
Despues diputado Kroon a hasi entrega di e sertifikado di rekonosementu i e envelop ku kontenido na e hubilario.
Finalmente Jacqueline Thode a hasi entrega di un regalu na nomber di koleganan na sr. Makaai komo muestra di apresio pa nan kolega hubilario.
Foto ta ilustra momentu ku diputado Kroon a ta hasi entrega di e sertifikado di rekonosementu i e envelop ku kontenido na e hubilario i koleganan di na Haven Kantor.