Prome yamada DIPUTADO WINKLAAR A BSIHITA ROYAL PRINCESS BARKU KRUSER..
Kralendijk--Djarason 14 yanueari 2015 e barku krusero Royal Princess a hasi su prome bishita na den haf di Boneiru. Na e okashon spesial aki diputado enkarga ku turismo sr. Edsel Winklaar a hasi akto di presensia pa asina duna i honra e kapitan na nomber di gobiernu i pueblo di Boneiru un bon
bini.
Na e okashon spesial aki diputado di turismo sr. Edsel Winklaar na nomber di gobiernu a hasi entrega di bandera di Boneiru na e kapitan sr. Dino Sagani.
Despues a sigui algun interkambio di plakat di parti e kapitan na diputado Winklaar i representante di Tourism Corporation Bonaire sra. Michele Knuf a hasi entrega di dos buki turistiko pa promoshon di Boneiru na e kapitan Sagani i e agente di e barku Royal Princess sr. Byron Tromp tambe a
hasi entrega di un kuadro ku diferente potret di e krusero momentu ku e krusero tabata drenta haf di Boneiru. Algu ku e kapitan Dino Sagani a apresia masha tantu.
Royal Princess ta nabega bou bandera Bermuda i su porta di registrashon ta Hamilton.
Royal Princess ta e barku mas grandi den e flota di Princess Cruise Lines. Su tonelada brutu ta 142714 ku un largura di 330 meter.
E barku a yega for di Grenada ku un total di 3357 pasahero i 1331 miembro di tripulashon. Kapitan di e barku ta Dino Sagani di Italia un kapitan ku hopi eksperensia ku a yega di bishita Bonaire kaba den pasado ku otro barku di Princess Cruise Lines.
Royal Princess ta e barku mas sofistika pa loke ta trata sistema moderno di nabegashon i di seguridat ku ta nabegando awendia i ta e barku mas grandi ku a bishita Boneiru te ainda. Queen Mary2 ku tambe a yega di bishita Bonaire ta poko mas largu pero den totalidat Royal Princess ta mas grandi
debi ku e tin mas dek kompara ku Queen Mary2.
Na salida di e barku 7or di anochi pa Aruba, e barku a saluda ku un pitu den forma di melodia musikal i no esun tradishonal ku a hala atenshon di masha hende den playa i bisindario.